Artur Rasizadə aŭ plennome Artur Tahir oğlu Rasizadə, rusa formo Артур Таир оглы Расизаде [Artur Tair ogli Rasizade], ofte laŭ la rusa formo angle literumita Artur Rasizade, kvankam laŭ intensa diskuto en la angla vikipedio alternative Artur Rasizade kaj en Esperanto pli trafe Artur Rasizade, estas azerbajĝana politikisto naskiĝinta en 1935. Ekde la 15-a de oktobro 2003 li estas la ŝtata ĉefministro de Azerbajĝano.
Antaŭ la disfalo de Sovetunio, en Azerbajĝana SSR, li dum multaj jaroj estis aktiva membro de la Azerbajĝana Komunista Partio. Li estis ĉefministro inter la 20-a de julio 1996 ĝis la 4-a de aŭgusto 2003, kiam li demisiis, oficiale pro sanaj kialoj, ebligante al la filo de la tiama ŝtata prezidanto Hejdar Alijev, Ilham Alijev, transpreni la ĉefministran postenon. Praktike li tamen pluplenumis la ĉefministrajn taskojn, kaj kiam Ilham Alijev estis elektita nova ŝtata prezidanto, Artur Rasizade formale reprenis la ĉefministran postenon la 4-an de novembro 2003.
|
© MMXXIII Rich X Search. We shall prevail. All rights reserved. Rich X Search